Getxoko San Isidro jaiak, iruditan
Atzo, martitzenean, amaitu ziren Getxoko San Isidro jaiak; han egoteko aukerarik eduki ez zenuela? Bada, hona hemen barikuan bizi izandakoen irudiak! Goza ezazue!
Jadotxo Eguneko bideoa ikusgai ipini du Jado ikastetxeak
Jadotxo Eguna ospatu zuten Erandioko Jado ikastetxeko ikasleek joan den apirilaren bukaeran. Egun batzuk pasatuta, bideoa plazaratu dute, festa horren une gozoenak gogora ekartzeko. Jadotxo maskotak euskararen erabiltzera animatu zituen gaztetxoak. Bere omenez, esku-pilotako txapelketa hasi zuten.
Emakumezkoek ere errugbian jokatzen dutela gogorarazi du Getxoko taldeak
"Kontua ez da nork utziko digun… nork geldiaraziko gaituen baizik. Guk ere jokatzen dugu" diote Getxo Rugby Taldeko jokalariek Europako errugbi-finalen aurretik grabatu duten bideoan.
XXV. Herrien Jaialdia
Urtero bezala, XXV. Herrien Jaialdia ospatuko dugu maiatzaren 12an. Alabaina, aurtengo edizioa berezia izango da hogeita bostgarrena delako eta, horregatik, atzerritik gurera etorri zen lehen taldea gonbidatu dugu. Bretainiatik (Frantzia) etorri ziren duela hogeita hiru urte lehenengoz eta, aurten, bueltan izango ditugu Danserien Bro Klegereg dantza tadea eta Kevrenn Bro Logunech musika taldea.
Zea Maysek Ereagako kontzertua gogoratzeko bideoa plazaratu du
Zea Mays musika-taldeak zapore ona utzi zuen zaleen artean joan den zapatuan Algortako Ereaga hondartzan emandako kontzertuan. Taldekideek ere gozatu zuten eta zaleei eskertu diete han bizitakoa bideo honen bidez.
Talde-komunikazioa lantzeko ikastaroa antolatu du Azkue Fundazioak
Azkue fundazioak eta Talaios kooperatibak teknologia-ikastaroak antolatu dituzte, "Sartu gurekin teknologiaren ur handitan" goiburuaren pean.
"Zelan egin dute beste herri batzuetan euskararen erabilera areagotzeko?"
Joan den martitzenean, hilaren 24an, "Zelan egin dute beste herri batzuetan euskararen erabilera areagotzeko?" izenburuko solasaldia egin zuten Algortako Villamonte kultur etxean.
Irakurri, Gozatu eta Oparitu egitasmoa martxan dago Getxon
Euskaltzaleen Topaguneak Irakurri, Gozatu eta Oparitu kanpainaren hamabigarren edizioa jarri du martxan, zenbait euskara elkarte, udal, liburutegi eta liburu dendagaz batera. Ekimena joan den martxoaren 12an abiatu zuten, eta maiatzaren 31ra arte egongo da martxan. Egizu Getxo Euskaldun elkartea da Getxoko egitasmoaren antolatzailea.
Romo Kultur Etxea, zabal-zabalik
Romo Kultur Etxearen lehenengo zerbitzuak martxan daude daborduko: udal-euskaltegia, liburutegiak (haurrena eta nagusiena), gaztelekua, erakusketa aretoa, uzteko gelak, kultur etxeko tailerrak eta entsegu-gelak (instrumenturik gabe). Gainontzeko zerbitzu eta instalazioak apurka-apurka zabalduko dira hurrengo hilabeteetan.
Trafiko-istripuak prebenitzeko programa helduko da barikuan Getxora
Getxoko Aixerrota institutuko 15 eta 19 urte arteko ikasleek parte hartuko dute ekimen horretan, hiru saiotan banatuta.
Apirilaren 9an zabalduko dute Romo Kultur Etxea
Egun horretan martxan jarriko diren zerbitzuak hurrengoak dira: udal-euskaltegia, liburutegiak, gaztelekua, aretoak, kultur etxeko tailerrak eta entsegu-gelak (instrumentu barik). Gainontzeko zerbitzuak eta instalazioak apurka-apurka zabalduko dira, hurrengo hilabeteetan.
"Uribe Kostako emakumeok* planto"
Greba feministaren harira, manifestazio jendetsua egin zuten martxoaren 8an Algortan Uribe Kostako 2.500 emakume inguruk. Goizean goiz ere elkarretaratzea egin zuten dozenaka emakumek Bizkaiko zubiaren alde bietan. Mobilizazio horien laburpena egin du mugimendu feministak bideo bidez.
Leioako campuseko feministek planto egingo dute
Leioako Mugimendu Feminista grebara batuko da eguen honetan, martxoaren 8an, planto eginez. Ekimenak antolatu dituzte goizean zehar; arrastian, ostera, Bilboko manifestaziora joatera deitu dute.
XX. mende hasierako film baten datuen bila dabil Plentziako Udala
Fikziozko film baten 35 mm-ko 9 film-lata berreskuratu dira, plentziar baten eskuzabaltasunari esker. Udalak jakinarazi duenez, ziurrenik 20ko hamarkadakoak dira, eta une honetan Euskal Filmategian daude. Oraindino ez dute film horri buruzko inolako daturik, eta laguntza eskatu dute informazio gehiago eskuratzeko.
Sea Shepherd: "Itsasoko bizia babesten dugu legea heltzen ez den lekuetan"
Sea Shepherd nazioarteko talde ekologistaren "Bob Barker"ontzian egon da HIRUKA. Eguenetik, Getxoko kaian dago legez kanpoko arrantza ekintza zuzenaren bidez eragozten ahalegintzen den bertako aktibista taldea. Ontziaren barrua erakutsi digute, eta euren jardueraren nondik norakoak azaldu.
Eskumaldeko bidegorriaren aldeko martxa egingo dute zapatuan
Eskuinaldeko bidegorriaren aldeko IX. martxa egingo dute zapatuan, hilaren 24an. Hitzordua 11:00etan jarri dute, Foru Aldundiaren egoitzaren parean, Bilbon.
"Utz diezaiogun maitemintzeari eta has gaitezen maitepozten!"
Otsailaren 14a dugu gaur, aski ezaguna den San Valentin eguna. Horren aurrean, Algortako Haziak emakume gazte feministen taldeak maitasun erromantikoari lotutako sineskeriak deitoratu ditu.
Leioako Herri Unibertsitatea, martxoaren 5etik 7ra
Antolatzaileek adierazi dutenez, "aurten egitarau oparoa izango dugu eskura, hiru egunez, hausnartu, eztabaidatu eta jakintza kritikoa eztabaidatu eta kolektibizatzeko".
Gazte Akelarrea jaialdiaren abestia konposatu du Urrats Erromeria talde uribekostarrak
Martxoaren 30, 31 eta apirilaren 1ean antolatuko dute Ernai eta Aitzina gazte antolakundeek aurtengo Gazte Akelarrea Oiartzunen (Gipuzkoa). Jaialdiaren abestia Urrats Erromeria talde uribekostarrak konposatu du, Koldo Gezuragaren letran oinarrituta. Audioa Berangoko Zarata Estudioan grabatu dute.
Hirukaren doinuak entzungai
Joan den urtarrilaren 22an, hiru urte bete ziren HIRUKAk astekariaren lehenengo zenbakia kaleratu zuenetik, tokiko kazetaritza-proiektu independente, plural eta euskaldun baten baitan. Hori dela eta, eskualdeko hainbat musikarik "Hirukak hiru urte" abestia prestatu dute, elkarlanean.