Hilean behin (eguenetan) euskaraz irakurtzeko errazak diren liburuez berba egiteko kluba abiatuko dute Algortan. Lizar Begoñak gidatuta, bertan, liburu zehatz batzuen inguruan iritziak, hausnarketak, ulertu ez diren kontuak eta halakoak elkarbanatuko dituzte. Hiru hilabete iraungo du irakurle klub berri horrek, eta lehenengo saioa apirilaren 15ean izango da, Fadura kiroldegian. Egitasmoaren inguruko zehaztasunak eman dizkigu saiootako gidari-lanak egingo dituenak.

Sei hilabete emanaldirik gabe egon ostean, Zineforum Perseok eta Leioako Udalak hitzarmena sinatu dute Kultur Leioaren erabilera adosteko. Aurtengo lehen zikloa apirilaren 13an egingo dute.