Joana Moso eta Andoni Ortiz sopeloztarrek herriko aratusteetan kasualitatez ezagutu zuten elkar; bata abokatua, heziketa fisikoko irakaslea bertako ikastolan bestea. Edozelan be, biek zuten buruan musikaren sua aspalditik piztuta. Esan eta egin… antzeko doinuak gustuko zituztela konturatu eta Sopela inguruko Euskara zaharrean proiektua jaio zeneko hilabetearen izenagaz bataiatu zuten taldea. Martia proiektua jada abian zen.

Itxartu euskal dantza taldearen historia ez da urte kopuru baten kontakizuna bakarrik. 50 urte esatea erraza da; zailagoa, ordea, urte horien atzean pilatu den guztia neurtzea: entseguak, plazak, bidaiak, jantziak, musika, ikerketa, belaunaldiak, eta, batez ere, herri baten kulturarekiko konpromisoa.