Leioako Udaleko Kultura eta Gazteria Sailak, herriko Gure Ohiturak eta Txikiak dantza taldeen laguntzagaz, Bizkaiko Aurresku Txapelketaren 60. edizioan parte hartzera deitu du daborduko. Irailaren 4an, 19:00etan, Ondizko probalekuan jarri dute hitzordua. Izena emateko, fitxa bete eta posta elektronikoz bidali behar da infokultur@leioa.eus helbidera. Gainera, antolatzaileek aurreratu dutenez, lehiaketaren egunean bertan ere izena eman ahalko da, 17:00etatik 18:00etara.

Bi urteko geldialdiaren ostean, jaiak bueltan dira Itzulbatzeta/Romo eta Pinueta auzoetara. Aurten, Kresala Neska Gazte Feministek taldea arduratu da pregoia irakurri, txupina bota eta bost eguneko jaiei hasiera ofiziala iragartzeaz.