Folklorearen eta jaien inguruko solasaldia izango da Leioan, 500. urteurreneko egitarauaren baitan
ira 14, 11:21 Leioa
Haizea Ormaetxea eta Ander Navarro dantzariak tradizioez, ospakizunez eta komunitateaz jardungo dira, baita horiek herri baten izaeran eta historian duten lekuaz ere. Aurkezpena irailaren 24an izango da, 19:00etan, udaletxeko frontoian eta euskaraz.
12.000 euro bideratuko dituzte kirol egokitua eta kirolari leioaztarrak laguntzera
ira 14, 10:05 Leioa
Leioako Udalak kirol-jarduera sustatzeko bi dirulaguntza deialdi jarri ditu martxan, bakoitza 6.000 eurokoa. Lehenengoa aniztasun funtzionala duten pertsonei zuzendutako kirol-jarduerak antolatzen dituzten herriko elkarteentzat izango da; bigarrena, berriz, banakako lehiaketetan aritzen diren kirolari ez-profesionalentzat.
