Uda bukatu arren, oraindino ez dira auzo guztietako jaiak bukatu. Hala, Andraka auzoko herritarrek plan ezin hobea dute hilabeteari hasiera emateko: urriaren 4tik 16ra bitartean San Frantzisko jaiak ospatuko dituzte. Besteak beste, puzgarriak, umeentzako herri-kirolak, baita ume eta nagusientzako mendi martxa bat ere antolatu dute. Modu horretan, natura, ohiturak eta musika elkartuko dituzte udagoienean ere jaiez gozatzeko.

Barikutik domekara bitartean ospatuko dituzte Mikel Deunaren festak Txopoeta auzoan. Hurrenez hurren, Garilak 26 eta Basajaun taldeek girotuko dituzte barikuko eta zapatuko gauak, eta Txop chef edo tortilla lehiaketa gastronomikoak ere egingo dituzte egun horietan. Ez dira faltako ezta ere ohiko umeentzako jolasak edo herri kirolen erakustaldia.