Atzo, azaroak 30, historiako lehenengo Hego Euskal Herriko greba feminista orokorra izan zen. Hala, beste hainbat lekutan bezala, Uribe Kostako udalerri ezberdinetako kaleak milaka lagunez bete ziren zaintza-sistema kolektiboaren beharra aldarrikatzeko. Gaur, Denon Bizitzak Erdigunean plataformak agerraldia egin du Gasteizen eta Iruñean atzoko greba feminista orokorreko balorazioa egiteko, baita gobernuei mahai intersektorial bat sustatu dezatela eskatzeko ere. Hona hemen gure eskualdean egin ziren mobilizazioen laburpen bideoa.

Eguenerako, azaroaren 30erako, deituta dagoen greba feminista orokorragaz bat egingo du HIRUKA Kooperatiba Elkarteak. Hori horrela, behargin guztiek ez dute lanik egingo, komunikazio-taldeko kazetariek izan ezik. Horiek lan boluntarioa egingo dute goizean goizetik grebaren nondik norakoak jasotzeko, hiruka.eus webgunearen eta sare sozialen bitartez, eta horretara mugatuko dira.