Eskualdetik aterako den autobus bat antolatuko dute Iruñeko otsailaren 1eko manifestazio nazionalera joateko
urt 15, 12:45 Uribe Kosta
Guztira 20 urteko kartzela eta 56.000 euroko zigorra egotziko zaie 7 baztandarri lurra defendatzeagatik. Horregatik, otsailaren 1ean, manifestazio nazionala egingo dute Iruñean auzia salatzeko eta elkartasuna adierazteko. Uribe Kostatik autobus bat antolatzen ari dira bertara joateko, irteera 12:00etan izango da, Plentziatik. Kostua 10-15 euro izango dira. Hemen eman daiteke izena.
Aldundiak udalerri txikien HAPOak berrikusteko eta egokitzeko plana bultzatuko du
urt 15, 12:25
Barrika, Gorliz, Plentzia, Lemoiz eta Urduliz izango dira Bizkaiko Foru Aldundiak bultzatutako neurri horretatik etekina atera ahal izango dutenak, Bizkaiko beste 82 udalerrigaz batera. Azpiegitura eta Lurralde Garapen Sailak 1,2 milioi euroko laguntza-lerroa bideratu du egitasmo horretarako.
