Erandioko Udalak Laguntza Juridikoko zerbitzua berritu du familia-zuzenbidean, gai zibiletan eta genero-indarkeriaren biktima diren emakumeei laguntza eskaintzeko. Zerbitzua astero eskainiko dute modu egonkorrean, eta Astrabudua eta Altzaga auzoen artean kokatuko da, behar dutenei sarbide hurbil eta eraginkorra bermatzeko helburuagaz.

Domeka honetan, martxoaren 23an, Etzandarri mendi taldeko kideak Urdaibara joango dira, zehatz-mehatz, Omako basora. "Ume txikientzako pentsatutako ibilaldi bat antolatu dugu oraingoan, gurekin etortzen hasteko aproposa", adierazi du antolatzaileak. Halaber, artezaleak ere gonbidatuta daudela nabarmendu dute: "Euskal Herriko baso magikoenean murgiltzeaz gain euskaldunentzako sakratua den  Santi Mamiñe kobazuloko sarreraraino ere igoko gara".