"Euskara+0 km=kalitatea" izango da aurten Getxoko udalerriko ostalaritza- eta merkataritza-establezimenduetan euskaraz erostera animatzen duen Kaishop! kanpainaren leloa. Atzo, eguaztenean, aurkeztutako eta maiatzean zehar aurrera eramango den ekimenaren helburuak dira euskarazko kontsumoa indartzea, herriko merkataritza eta ostalaritza indartzea, eta Euskararen Laguna Saltokien sarea promozionatzea, tokian tokiko merkataritzaren tratu pertsonalarekin eta gertukoarekin batera, kalitatezko produktuen bitartez.

Apirilaren 28an, Kanpomartxoren 30. jaialdia egingo du Berbotsek Faoeta auzo erandioztarreko baselizan. Erandiotik Lemoizera, euskara hutsezko komunikabide bakarra den heinean, HIRUKA ere bertan izango da eskualdeko euskaltzaleakaz harremana sendotzeko. Gainera, opari eta eskaintza bereziak izango ditugu gure standera hurbiltzen direnentzako.