Getxo Arrauneko beteranoak, nagusi Armintzan
Getxo Arrauneko beteranoek egundoko denboraldia egiten dabiltza aurten. Hala, ekainaren 10ean beste behin nagusitu ziren, Armintzako X. Beteranoen Traineru Estropadan, ABE ligarako bosgarren estropadan.
"Kontrolik gabeko" lindano-isurketa aurkitu du Ekologistak Martxanek, Jata mendian
Ekologistak Martxan taldeak "kontrolik gabeko" lindano-surketa aurkitu du Jata mendiko zabortegiaren inguruan, Lemoizen. Agintariak jakinaren gainean ipini dituztela azaldu dute ekologistek, "eta larrialdi zerbitzuak ere bai". Gainera, Eusko Jaurlaritzara eta Bizkaiko Foru Aldundira pasa dute abisua ere.
Euskara Plana berritzeko proposamenak jasoko ditu Lemoizko Udalak
Lemoizen Euskara Sustatzeko Ekintza Plan berria garatzen dabiltza Udala eta Uribe Kostako Zerbitzu Mankomunitateko Euskara Zerbitzua. Jakinarazi dutenez, "Lemoizko euskara-plan berria diseinatzeko herritarren ideiak, ekarpenak, egitasmoak... jaso nahi ditugu; herrian euskaraz bizi ahal izateko zuon ekarpenak ezagutu nahi ditugu".
Etzandarrikoak Lekanda mendira joango dira domekan
Lemoizko Etzandarri euskal mendi-taldeak 2017ko hurrengo irteera hilaren 7an egitea aurreikusi bazuen ere, txangoa atzeratzea erabaki zuen, Gure Esku Dagoren herri-galdeketa zela eta. Hala, domeka honetan joango dira Gorbeiako mendilerroan dagoen Lekanda mendira (1.302 metro), hilaren 28an.
Lemoizko Basorda kala lehengoratzea gura du Eguzki talde ekologistak
Lemoizko zentral nuklearraren lurrei "historiarekin bat datorren erabilera" ematea eskatu du Eguzki talde ekologistak. Horretarako, Basorda kala ahal den neurrian lehengoratzea eta bertan parke publiko bat eratzea proposatu dute, "beharbada, memoria-leku gisa". Eguzkik ez du beste erabilerarik baztertzen, "baina betiere lehengoratzearekin eta erabilera publikoarekin bateragarri den heinean".
Gaur da Lemoizko euskarazko udalekuetan izena emateko azken eguna
Euskarazko udalekuak antolatuko ditu Lemoizko Udalak, beste urte batez. Horien helburua da udalerriko ume eta gaztetxoen aisialdian eta esparru ez-formalean euskararen erabilera handitzea. Udalekuok ekainaren 26tik uztailaren 14ra bitartean izango dira, 09:00etatik 14:00etara, Lemoizko eskolaren kanpoaldean; euria egiten duenean Urizarreko gelan edo frontoian egingo dira. Horietan parte hartzeko izen-emate epea gaur, hilaren 12an, bukatzen da.
Uribe Kosta Ados taldearen eragileak emaitzagaz "pozik" agertu dira, baina parte-hartze handiagoa espero zuten
Barrikan, Gorlizen, Lemoizen, Plentzian, Sopelan eta Urdulizen antolatu dituzte maiatzaren 7an erabakitzeko eskubidearen aldeko galdeketak. "Euskal Estatu burujabe bateko herritarra izan gura dozu?" galderari erantzuteko, Uribe Kostako sei herri horietako 25.512 herritar egon dira botoa ematera deituak, eta 5.007 lagunek bozkatu dute, hau da, %19, 62ak. 4.807 baiezko botoak izan dira, eta 150 ezezkoak. Hona hemen eguneko datuak.
Lemoizko udal hautetsien adierazpena
Lemoizko udal hautetsiek erabakitzeko eskubidearen eta maiatzaren 7ko herri galdeketaren aldeko jarrera erakutsi dute adierazpen baten bidez.
Uribe Kostatik Gernikaraino martxa egingo dute, errefuxiatuen alde
Gorliz, Lemoiz eta Plentziako Ongi Etorri Errefuxiatuak plataformako kideak oinez joango dira apirilaren 29an eta 3oean Gernikan izango den nazioarteko ekitaldira.
Lemoizko eskola "txiki" gelditu dela deitoratu dute
Azpiegitura egokitzeko eta handitzeko proiektua gaur egun bizi duten egoera hobetzeko baliagarria dela aitortu arren, eskola berri bat beharrezkoa dela aldarrikatu du bertako zuzendariak.
Egonaldiak, Goikomendi hipika-klubean
Lemoizko Andraka auzoan, Goikomendi hipika-klubak egonaldiak antolatuko ditu datorren Aste Santuan, apirilaren 9tik 23ra bitartean.
Martxoaren 8a ekitaldiz beteko dute, herririk herri
Emakumeen Nazioarteko Eguna izango da hurrengo eguaztenean, eta horri lotuta hamaika ekitaldi egingo dute egunotan Uribe Kostako herri denetan. Martxoaren 8an ez ezik, urtero legez, hileko beste hainbat egunetan ere ekimenak egongo dira. Hala, datozen egunetan eskualdeko udalek, eragileek zein Mankomunitateak ekimen nahikotxo antolatu dituzte.
Oroilore ikerketa-taldea: "Kontatu ez edo zatika kontatu zigutena ezagutzea eta erakustea da gure helburua"
Oroilore ikerketa-taldeak ekitaldia egingo du Matxitxakoko itsas batailaren 80. urtemugan. Ekimena datorren domekan izango da Armintzako portuan, 13:00etan. Horren berri eman digute taldeko hiru kidek: Alaitz Bilbao Figueroak, Esteban Serrano Gómezek eta Jose Antonio Martínez Ibáñezek. Matxitxakon jazotakoa akordura ekartzeaz gainera, memoria kolektiboa berreskuratzeko Oroilore ikerketa-taldeak egiten dituen bestelako jarduerak ere azaldu dituzte hiru plentziarrek.
Wifi sarea, dohainik, kultur etxean eta udaletxean
Lemoizko Udalak jakinarazi duenez, wifi sarea ipini dute oraintsu udalerriko hainbat gunetan, "Internetera modu libre eta doakoan sartu ahal izateko". Hala, lekuetako bi Armintzako kultur etxean ipini dituzte, eraikinaren alde banatan; beste sarbidea Lemoizko udaletxean bertan jarri dute. Internetera konektatu ahal izateko pasahitza ere ezagutarazi du Udalak: "lemoizwifi". Wifi sarearen izena, ostera, hau da: "lemoizko-udala".
"Euskal Estatu burujabe bateko herritarra izan gura dozu?", galdetuko dute maiatzaren 7an
Maiatzaren 7an Uribe Kostako hainbat herrik egingo duten herri-galdeketaren itauna hau da: "Euskal Estatu burujabe bateko herritarra izan gura dozu?", horrela ezagutarazi du Sopelan, gaur eguerdian, Gure Esku Dago herri-ekimenak sortutako Uribe Kostako Ados taldeak.
Uribe Kostako herri-galdeketarako galdera aurkeztuko du Ados taldeak
Gure Esku Dago herri-ekimenak sortutako Ados taldeak Uribe Kostako galdeketan egingo duen itauna zein izango den jakinaraziko du zapatuan, hilaren 11n, Sopelako udaletxeko plazan, 12:30etik aurrera. Ados taldeak maiatzaren 7an egingo du herri-galdeketa, horrenbestez, orduan erantzun beharreko galdera zein izango den ezagutaraziko dute, zapatu honetan, jai giroan. Izan ere, bertsoak, euskal dantzak, kantak eta pandero-joleak ibiliko dira giroa alaitzen; 15:00etan, herri-bazkaria egingo dute Ander Deuna ikastolan.
GED Lemoiz Agate Deuna kantuan
Datorren zapatuan, otsailaren 4an, Agate Deunaren bezperaren eguerdian Lemoizko Gure Esku Dago taldea kantuan irtengo da auzoz auzo, udaberrian egingo dogun herri galdeketaren berri eman eta dirua batzeko asmoz.
Euskara ikasteko tailerra antolatu du Lemoizko Udalak
Euskara ikasteko zein euskara-maila hobetzeko ikastaroak antolatu ditu Lemoizko Udalak. Eskola horiek gurasoentzat dira, "seme-alabakaz euskaraz berba egin ahal izateko", besteak beste. Interesa dutenek Sopelako udal euskaltegian eman dezakete izena, hilaren 26a baino lehen. Ikastaroaren prezioa 50 eurokoa da.
Herri-galdeketaren galderaren bila
ADOS Uribe Kostak antolatuko duen herri-galdeketan erabiliko den galdera aukeratzeko prozesuaren barruan lan saioa egingo da Lemoizen barikuan.
Inguruko mendietara txangoa egingo dute domekan Etzandarri euskal mendi-taldeko gaztetxoak
Gaztetxoen artean euskararen erabilera bultzatzeko helburua duen Etzandarri mendi-taldeak neska-mutilakaz irteera berria prestatu du domeka honetarako, abenduak 18. Interesdunek 688 602 121 (Marian) telefono-zenbakira deitu dezakete izena emateko. Txangoa Armintzako autobus-geltokitik irtengo da goizeko 10:00etan. Hala, Etzandarri (209 metro) eta Ermua (292 metro) mendiak zeharkatuko dituzte, Armintzatik hasita. Buelta 15:00etan egingo dute.
Komunitatea
Lemoizko udal hautetsien adierazpena
Lemoizko udal hautetsiek erabakitzeko eskubidearen eta maiatzaren 7ko herri galdeketaren aldeko jarrera erakutsi dute adierazpen baten bidez.
GED Lemoiz Agate Deuna kantuan
Datorren zapatuan, otsailaren 4an, Agate Deunaren bezperaren eguerdian Lemoizko Gure Esku Dago taldea kantuan irtengo da auzoz auzo, udaberrian egingo dogun herri galdeketaren berri eman eta dirua batzeko asmoz.
GED Lemoiz Santa Ageda kantuan
Gure Esku Dago taldekoak Agate Deuna bezperan kantuan irtengo gara Lemoizen auzoz auzo. Hitzorduak: 12.30etan Andrakan, 13etan Urizarren eta 13.30etan Armintzan
Herri galdeketan erabiliko den galdera aukeratzeko prozesuaren barruan lemoiztarren lan saioa
Herri-galdeketaren galderaren bila
ADOS Uribe Kostak antolatuko duen herri-galdeketan erabiliko den galdera aukeratzeko prozesuaren barruan lan saioa egingo da Lemoizen barikuan.
Ados Lemoiz taldearen aurkezpena
Herritarren aurrean egin du Gure Esku Dagoren Lemoizko talde sustatzaileak bere aurkezpena eta baita herri galdeketarena ere.
Herri-galdeketaren aurkezpena Lemoizen
Armintzako portuan herri-kontsulta eta ADOS Lemoiz taldea aurkeztuko dute domekan...
Lemoizko Gure Esku Dagoren batzar irekia herri kontsulta egin ala ez erabakitzeko
Lemoizko Gure Esku Dagok batzar irekia egingo du herri kontsulta egin ala ez erabakitzeko.
Erabakiaren aroa da eta bide horretan Euskal Herriko hainbat herritan herri kontsultak antolatzen ari dira. Etxarri eta Arrankudiagak 2014an egindakoari jarraituz, aurtengo udan Goierri eta Debagoienako herrietan, Aramaion, Azpeitian, Bakaikun, Diman eta Ispasterren erabakitzeko eskubidearen inguruko herri kontsultak egingo dituzte. ...
Hitzaldi/argazki emanaldia eta poteoa
Aspaldiko partez hitzaldi/argazki emanaldia izango dugu datorren barikuan. Bego eta Enriquek orain dela urte batzuk munduari bira emanez bizi izan zituztenak kontatuko dizkigute. Ekitaldia Armintzako Kultur Etxean izango da arratsaldeko 7.30etan. Amaieran solasean jarraitzeko aukera izango dugu tabernaz taberna. Animatu ...
Hitzaldi/argazki emanaldia eta poteoa
Aspaldiko partez hitzaldi/argazki emanaldia izango dugu datorren barikuan. Bego eta Enriquek orain dela urte batzuk munduari bira emanez bizi izan zituztenak kontatuko dizkigute. Ekitaldia Armintzako kultur etxean izango da arratsaldeko 7.30ean. Amaieran solasean jarraitzeko aukera izango dugu tabernaz taberna. Animatu ...
Mendi irteera Etzandarri Euskal Mendi Taldearekin
Lemoizko ETZANDARRI Euskal Mendi Taldeak igande honetan, martxoak 13, mendi irteera antolatu du, eta gurasolagunentzako gonbita egin digute. Animatzen zaretenok, deitu telefono honetara: 688602121 (Marian)
Mendi irteera Koixi Euskara Taldearekin
Igande honetan, Uribe Kostako Berbalagunok Armintzako Koixi euskara-taldekoekin mendi ibilaldia egingo dugu. Urduliztik Armintzara joango gara oinez, Butroi, Andraka eta Urizartik pasatuz. Elkartzeko bi leku egongo dira: Armintzan, 9:30eko autobusa hartzeko eta Urdulizen, 10:15etan (Jubilatuenean). Gonbidatuta zaudete. Ea eguraldiak laguntzen ...
