Hilez hileko dinamikari jarraituta, Gernika Palestina herri-ekimenak mobilizazioa egin zuen domekan, hilaren 5ean, Itzubaltzeta/Romon. Oraingo honetan, 100 pertsona inguru bildu ziren genozidioa amaitzeko eskatuz eta berehalako su-etena exijituz. Hori gertatu arte, kalera irteten jarraituko dute, hilabeteko lehenengo domeka guztietan; hala, hurrengo hitzordua otsailaren 2an izango da, Xake plazan, 13:30ean.

Plentzia/Gorlizko Danontzat gaztetxeak bere ateak berriro ere ireki ditu eta, urtarrilaren 5ean, domekan, Antimonarkia gaua ospatuko dute. Hala, Pozoi taldea eta MJ K-Lanbre taldeak girotuko du arrasti-gaua.