Barrika

Higinio Riverok domina bi lortu ditu Asturiasen

Higinio Rivero Fernández piraguista arrigorriagarrak zilarrezko domina bi irabazi zituen joan den aste-akabuan, Olinpiar Esprinteko 2. Espainiako Kopan, Asturiasko Trasona urtegian. Riverok Barrika Piragua Taldea ordezkatzen lehiatu zen; VL2ko 200 eta 500 metrotan lortu zituen metalak.

Neandertalen garaiko egurrezko erreminta bat aurkitu dute Barrikan

Duela 90.000 urte neandertalek hagin-egurrez egindako erreminta bat aurkitu du nazioarteko arkeologia-talde batek Barrikako Aranbaltza aztarnategian. Lanabesa 15 zentimetroko punta bat da, eta oso ondo kontserbatuta dago. Adituek diotenez, aurkikuntza hori neandertal-taldeak inguruotan ibili zirela ondorioztatzeko beste ebidentzia bat da.

Zauritu bana izan dira Barrikako eta Sopelako trafiko-istripuetan

Zirkulazio-istripu bana izan dira gaur eta atzo Barrikan eta Sopelan, hurrenez hurren. Ezbeharretan pertsona bana zauritu da eta biak Urdulizko ospitalera eroan dituzte.

Gizonek indarkeria matxistaren aurrean zer egin dezaketen eztabaidatzeko hitzordua, Barrikan

Indarkeria matxistari aurre egiteko gizonezkoek zer egin dezaketen eztabaidatzeko hitzordua ipini dute martxoaren 16an, barikuan, Barrikan. Edozein gizon bertan parte hartzeko deia egin dute antolatzaileek. Eztabaida 18:00etatik 19:30era izango da, udaletxeko beheko solairuan.

Inauteriak ez dira amaitu eskualdean!

Bizkaiko piraguismo txapelketa

Inaki Eguzkitza

Joan den zapatuan, otsailaren 10ean, jokatu zen Bizkaiko Piraguismo Txapelketa, Plentzian. Eguraldia, azken aldian legez, nahiko hotza izan zen, baina euririk behintzat ez zuen egin, eta arazo barik jokatu ziren estropada guztiak.

Historiaurrean murgiltzeko bost ibilbide prestatzen dabiltza Barrikan

Barrikako ondare arkeologikoa, geologikoa eta kulturala ezagutarazteko bost ibilbide proposatu ditu Iñaki Libano barrikoztarrak. Horiek denak biribiltzen dabil orain, baina Aste Santurako baten bat martxan jartzea aurreikusi du.

Hamargarren tostada-txapelketa, Barrikan

Santa Ageda martiriari gorazarre egin ostean, ohikoa den eta ospe handia duen tostada-lehiaketaren txanda helduko da Barrikara. Hilaren 12an, astelehenean, egingo dute norgehiagoka gastronomikoa, udaletxeko beheko solairuan (liburutegi zaharra).

Bizkaiko piraguismo-txapelketa, zapatuan Plentzian

Inaki Eguzkitza

Datorren zapatuan, otsailaren 10ean, eguerdiko ordu batean jokatuko da Bizkaiko piraguismo-txapelketa. Betiko legez, Barrika, Getxo eta Plentziako taldeak hartuko dute parte estropada horretan.

San Blas ospatuko dute Barrikan

Zapatu honetan, otsailaren 3an, Blas Deuna jai egun tradizionala ospatuko dute Barrikan; goizeko 11:00etan hasiko dira ekitaldiak, Andra Mari elizan. Meza nagusia, hamaiketako herrikoia, trikitixa, erroskilla eta kordoi postuak... egongo dira. Arrastian, ostera, karameluak eta pastelak banatuko dituzte, Elorduy (17:00) eta Barrika Barri (17:30) nagusien egoitzetan.

Jon Rahm, munduko hirugarrena

Jon Rahm golf-jokalari barrikoztarrak mailak igotzen segitzen du. Munduko sailkapenean, hirugarren posturaino igo da, Hawaiiko Sentry Tournament sariketan egindako bigarren postuari esker. Hala pauso berri bat eman du, joan den azaroan Dubain munduko sariketa bat irabazi eta laugarren kokatu zenetik.

Datorren urtean Europako errugbi-finalak Bilbon ikustera gonbidatu du Rahmek

San Mamesen izan zen Jon Rahm golf-jokalari barrikoztarra, joan den eguaztenean, Europako errugbi-txapelketaren finaletarako futbol-zelaian egiten dabiltzan prestakuntza-lanak zuzenean ikusteko. Juan Mari Aburto Bilboko alkateak eta Unai Rementeria Bizkaiko ahaldun nagusiak lagundu zuten.

Lanekoak ez diren praktikak egiteko 10 beka eskainiko dituzte eskualdean

Lanekoak ez diren praktikak egiteko 4 hilabeteko iraupena duten 10 beka eskainiko dira Barrika, Berango, Gorliz, Leioa, Lemoiz, Plentzia, Sopela eta Urdulizen erroldatutako 18 eta 25 urte arteko gazteek lan arloan esperientzia lor dezaten.

Ander Deunari gorazarre egingo diote bihar Barrikan

Urtero legez, azaroaren akabuan Ander Deuna Eguna ospatuko dute barrikoztarrek. Hala, hilaren 30ean, eguenean, Barrikako dozenaka lagun Goierriko Ander Deuna baselizara hurreratuko dira. Horrenbestez, goizeko 11:00etan santu horren omenezko meza nagusia egingo dute. Ordu erdi geroago, Barrikako abesbatzak baselizara hurreratuko diren denen alaitasunerako abestiak kantatuko ditu. Jarraian, 12:00etan, trikitilariek askotariko doinuak zabalduko dituzte barrikoztar denak dantzan jartzeko. Azkenik, egunari amaiera emateko, 12:00etan herri-hamaiketakoa egingo dute. Hala, bertaratuko diren herritarrak sabela beteta bueltatu ahal izango dira etxera Ander Deunari gorazarre egin ostean.

Euskararen Eguna ospatuko dute domekan Barrikan

Euskararen Eguna da abenduaren 3a; hala ere, Barrikan azaroaren 26ra aurreratu dituzte gure hizkuntzaren aldeko ekintzak. Hartara, domekan askotariko jarduerak egingo dituzte udalerrian euskarari gorazarre egiteko.

Eguenera arte izena eman daiteke Barrika Surf Klasikan

Amarratz surf-taldeak antolatuta, datorren zapatuan egingo da Barrika Surf Klasika txapelketaren 30. edizioa, Barrikako hondartzan, irailaren 30ean. Seigarren urtez, galdutako lagunak oroituko dituzte.

Oihan Aizpuru 16. postuan amaitu da Munduko SUP Txapelketan

Oihan Aizpuru surflari barrikoztarra pasa den eguaztenean estreinatu zen Munduko SUP Txapelketan, Danimarkako Cold Hawaiiko uretan. 18 urteko gazteak 16. postua erdietsi zuen atzo, SUP Surfing modalitateko final-laurdenetara sailkatu ondoren. "Nire lehenengo munduko txapelketa izateko oso gustura egon naiz egindako lanagaz", azaldu zuen Aizpuruak, irribarretsu.