Zapatuan Astrabuduko Ignacio Aldekoa ikastetxearen 40. urteurrena ospatzeko jaialdia egingo dute 16:30etik aurrera. Egungo zentroko ikasle, irakasle eta familiez gain, 40 urteotan bertatik pasatu diren ikasle eta irakasle ohiei ere bertaratzeko gonbidapena egin diete jaia antolatzen ari diren Ikasleen Gurasoen Elkarteko kideek.

Europako Hondakinen Astea azaroaren 18tik 23ra bitartean izango da, eta Uribe Kostako Zerbitzu Mankomunitateak bat egingo du horregaz, Eskualdeko Birzi Taldea izeneko kanpainagaz. Horretarako, hurrengo astean, super heroi batzuek Sopela, Berango, Gorliz, Plentzia, Lemoiz eta Urdulizko ikastetxeak bisitatuko dituzte, ume eta irakasleei birziklapenaren garrantziaz ohartarazteko.