Zipiriñe eta Iberreko ikastetxeak, Urdulizko ospitalera joateko bidea, Abaroko etxebizitzak... Kurtso politiko honetan Sopelan izango diren gai garrantzitsuenez eta beste hainbat kontuz jardun dugu Guruzne Carrasson, EH Bilduren liberatutako zinegotziagaz. Sopelan zeregin hori duen lehenengo zinegotzia da, hau da, oposizioan jarduteko egun osoko lanaldi ordaindua duen lehenengoa.

Soroak bedeinkatzen, ekaitzei oles egiten izeneko bisita gidatua egingo dute Sopelan, Udalak antolatuta, datorren urriaren 19an. Antzina legez, prozesioa egingo da San Pedro elizatik Munarriraino, letaniak kantatzen eta argizarizko gurutzeak eroanda. Parte hartzeko izena eman beharra dago, leku-kopurua mugatua da eta.