Pasa den astean, Gaude batzordeak iragarri zuen aste honetarako hainbat mobilizazio egingo zituela dibertsitate funtzionalaren sektorean diharduten langile guztien lan-baldintza duinak aldarrikatzeko asmoz. Zehazki, atzo batzordeak bere lehenengo mobilizazio eguna bete zuen: Uribe Kostako zentro ezberdinetan "informazio-piketeak" antolatu zituen eta manifestazioa egin zuten Gorabide enpresako langileakaz Bilboko Salbe Zubitik Ugasko kalean kokatzen den Bizkaiko Foru Aldundiko eraikinera arte. Gaur, euren bigarren mobilizazio egunari ekingo diote, eta, Sabin Etxearen aurrean kontzentrazioa egiteko asmoa iragarri dute.

Dibertsitate funtzionalaren sektorean diharduten Gaude enpresako langileek iragarri dute greban egongo direla maiatzaren 24, 25, 26, eta 27 egunetan lan-baldintza duinak exijitzeko helburuagaz. Alde batetik, hainbat mobilizazio egingo dituzte Bilbon, maiatzaren 24 eta 25ean, Gorabide, Madres Mercedarias, Aspace eta Argia Fundazioagaz batera, modu horretan, Marea Urdina deiturikoa osatuz. Bestalde, maiatzaren 26an, langileek manifestazioa antolatu dute Leioako Gaudeko egoitza nagusian. Bukatzeko, maiatzaren 27an, trikipoteo bat egingo dute Romoko Santa Eugenia plazan.