Gorliz

Bigarren eskuko azoka egingo dute hilaren 16an Gorlizen

Kirol- eta kultura- ikastaroetan izena emateko epea zabaldu dute Gorlizen

"Malabaristak, akrobaziek, trapezioak... Zirkuan egiten duzun guztiak eduki behar du kutsu magikoa"

Hamar emanaldi arrakastatsu egin ditu Gure Zirkuak Gorlizen, 2.500 ikusle bilduta. Daborduko 10.000tik gora hurreratu dira aurten euskara hutsez diharduen zirku honetara. Iker Galartza (Amezketa, 1977) aktore ezaguna da ekimenaren bultzatzaile nagusia, eta haregaz berba egin dugu zirkuko kideak Zarautzen dozena bat emanaldi egiteko prestakuntzan buru-belarri zebiltzala.

"Erakundeei dagokie migratzaileak artatzeko baliabideak ipintzea"

Orain dela hiru urte sortu zen Ongi Etorri Errefuxiatuak (OEE) plataformaren Gorliz, Lemoiz eta Plentziako taldea. Zapatuan, abuztuak 18, errefuxiatuen eta migratzaileen aldeko ekitaldia egingo dute Gorliz eta Plentziako hondartzetan, "Inor ez da ilegala" goiburupean. Erakundeen inplikazioa eskatzen dute pil-pilean dagoen arazoari konponbidea emateko.

Gazte Eguna egingo dute bihar Plentzian eta Gorlizen

"Etorkizun beltzari, gazteok berde" goiburuaren pean egingo dute Plentziako eta Gorlizko Gazte Eguna, zapatu honetan, abuztuaren 11n.

Errefuxiatuen aldeko ekitaldia abuztuaren 18an, Plentzian eta Gorlizen

Plentziako, Gorlizko eta Lemoizko Ongi Etorri Errefuxiatuak plataformak ekitaldia egingo du abuztuaren 18an, zapatuan, Plentzia/Gorlizko hondartzan. "Inor ez da ilegala" goiburuaren pean, 12:30ean ipini dute hitzordua, Arkoteko arrapalan.

[Argazki-galeria] Bost urte bete ditu errepresaliatuen aldeko itsas-martxak

Urtero legez, euskal preso, iheslari eta deportatu politikoen eskubideen aldeko hondartzetako mobilizazioakaz bat eginez, itsas-martxa egin zuten, joan den zapatuan, abuztuaren 4an, Plentziako metro-geltokitik abiatuta, itsasadarretik badiaraino.

Eguaztenera arte eros daiteke Plentziako eta Gorlizko Gazte Eguneko bazkariko txartela

Plentziako eta Gorlizko Gazte Eguna egingo dute abuztuaren 11n, zapatuan. Hala, jardunaldi horretako bazkarirako txartelak salgai ipini dituzte, 4 euroan. Tsunami (Gorliz) eta Bodegon (Plentzia) tabernetan eros daiteke, abuztuaren 8ra arte.

Zapatu goizaldeko istiluak "ekintza isolatua" izan zirela adierazi du Gorlizko Udalak

Gorlizko Udalak "tamalgarritzat" eta "ekintza isolatutzat" jo ditu zapatu goizaldean Santiago jaietan egon ziren istiluak: "kontrolik gabeko" hainbat lagunek osatutako taldeak hainbat edukiontzi erre, komun eroangarriak lurrera bota eta paperontziak kaltetu zituen. Hasiera batean, "El Correo" egunkariak aurretik izan zen Vendetta taldearen kontzertuagaz lotu zituen istiluak; Udalak batak bestearekin zerikusirik ez duela adierazi du.

Zabaldu dute iraileko aUKera ON azokan izena emateko epea

Uribe Kostako Zerbitzu Mankomunitateak irailaren 16an egingo du aUKera ON bigarren eskuko objektuen azokaren hurrengo edizioa; Gorlizko Ibarreta plazan (euria bada frontoian) izango da, 11:00etatik 15:00etara. Hala, daborduko zabaldu dute izena emateko epea: parte hartu gura dutenek abuztuaren 31 izango dute horretarako azken eguna.

Gure Zirkuaz gozatzeko aukera egongo da Gorlizen

Euskal Herriko hiri eta herriak zeharkatuko ditu udan zehar Iker Galartza aktorea, gidoilaria eta sortzailea buru duen euskal artisten karpa ibiltariak. Amezketan hasi zuen lehen bira, eta Aiatik, Zumaiatik, Ordiziatik eta Ondarroatik igaro ostean, Gorlizen egingo du geldialdia Gure Zirkuak. Abuztuaren 9tik 19ra arte izango dira saioak, eguenetik domekara: sarrerak 12 eurotan daude, www.ticketea.com webgunean.

Itsas Martxan parte hartzeko piraguak erreserba daitezke

Urtero legez, euskal preso, iheslari eta deportatu politikoen eskubideen aldeko hondartzetako mobilizazioakaz bat eginez, itsas-martxa antolatu dute, abuztuaren 4an, Plentziako metro-geltokitik abiatuta, itsasadarretik badiaraino. Mobilizaziorako, piragua bikoitzak eska daitezke: erreserbak binaka egin beharko dituzte parte-hartzaileek, 687 740 199 telefono zenbakian.

BBK-k kirol-jarduerak egingo ditu eskualdeko hainbat hondartzatan

Uda honetarako, BBK-k jarduera-programa bat aurkeztu du aire-zabaleko kirola eta aisialdia Bizkaiko hondartzetara eroateko. Herritarren artean bizimodu osasungarria sustatu gura da, batez ere pertsona nagusien (60 urtetik gorakoak) artean. Hala, Uribe Kosta eskualdeari dagokionez, astelehenero, Ereagan (Algorta); martitzenero, Gorlizko pinudian; eta zapatuan, Arrietaran (Sopela) egingo dituzte jarduerak.

San Pedro Eguna ospatuko dute Gorlizen

San Pedro plazak hartuko ditu santuaren omenezko ospakizunak haren egunean, ekainaren 29an, barikuan. Horretarako egitarau oparoa antolatu dute, bertaratzen diren guztien gozamenerako.

Gaur da azken eguna Gorlizko jaietan buruhandi izateko eskaera aurkezteko

Gorlizko nerabe eta gazteek gaur daukate azken eguna Gorlizko Santiago eta Andra Mari jaietan buruhandi izateko eskaera egiteko. 13 eta 17 urte bitartekoek aurkez dezakete eskakizuna kultur etxean.