Domeka honetan, ekainaren 29an, Etzandarri mendi talde lemoiztarrak doako txangoa antolatu du Baltzola kobazuloetara eta Garaiora (574 m). Irteera heldu zein adingabeentzat zuzenduta dago, zailtasun gutxikoa izango delako. Lemoizko Udalak mendi irteera honetan autobus bat kontratatzen lagundu du. Armintzako autobus geltokitik 09:30ean abiatuko da eta arrastian iritsiko da berriro ere herrira, irteera amaitutakoan, 17:30ak aldera.

Kolonbia, Errumania, Senegal, Maroko edo Euskadiko selekzioak arituko dira beste askoren artean aurten Leioan; izan ere, herriko udako kirol-hitzordu sozialenetako bat abiatuko dute zapatuan, Sarrienako udal-zelaian, 17:00etan egingo den inaugurazio-ekitaldiagaz. Jarraian, lehen norgehiagokak jokatuko dituzte, eta txapelketa bost aste-akabutan zehar egingo da, final handiak abuztuaren 2an jokatu arte.