Goazen Up elkartasun herri-lasterketa egingo dute domekan
Paddle SUP (Stand UP paddle) eta ongizateari buruzko jardunaldia egingo dute domekan, hilaren 21ean, Plentzian. Ekimenaren laugarren urtea izango da, Goazen Up kultura eta kirol elkarteak antolatuta. Goizeko 11:00etan jarri dute hitzordua, 14:00ak arte.
Hasi da Galeako Olatu Handirako itxarote-aldia
Gaur hasi da Galeako Olatu Handiko txapelketaren itxarote-aldia. Daborduko, nazioarteko surflari ezagun batzuek baieztatu dute 13. edizioan lehiatuko direla. Grant "Twiggy" Baker munduko txapelduna eta Nic Lamb gaur egungo Galeako txapelduna dira faboritoak, horien artean.
Getxoko Udalak 22 kirol-modalitate eskainiko dizkie Lehen Hezkuntzako ikasleei
Datorren urriaren 20an, zapatua, hasiko da Getxoko eskola-kiroleko udal-programaren denboraldi berria, Gobelan; areto-futboleko partidu bat jokatuko dute kirol askoko egitasmoa abiatzeko.
Eunate Goiriena Ugarte: "Sokatirak sakrifizioa dakar, baina merezi du"
Eunate Goiriena Ugarte (Erandio, 1965) Erandioko Goiherri sokatira-taldean dabil bigarren urtez segidan. Bere bigarren aldia da klubean, orain dela hogei bat urte utzi ostean. Joan den hilabetean Lurmutur Hirian izan zen, Hegoafrikan, Lur Gaineko Sokatirako Munduko Txapelketan.
Santander Triatloi Series-en etapa bat egingo dute Algortan, domekan
Ereagako hondartzan eta Arriluzeko pasealekuan egingo dute, domeka honetan, urriaren 14an, Santander Triatloi Seriesen zortzigarren eta azken aurreko proba.
Berangoko Ibilaldi Neurtuaren 36. edizioa egingo dute urriaren 28an
Sei Herri kultur elkarteak 36. Ibilaldi Neurtua egingo du urriaren 28an, domekan. Ohi legez, prestatutako ibilbideak Uribe Kosta zeharkatuko du, eta goizean goiz hasiko dira izen-emateak Sei Herri herriko tabernan. Nagusien ibilbideak 16 kilometroko luzera du, eta, txikienak, 8 kilometrokoa.
Umeen Bizikleta Festan izena emateko epea ireki dute
Elkar Kirolak txirrindularitza-klubak Umeen Bizikleta Festaren XII. edizioa antolatu du urriaren 21erako. Berango, Erandio eta Leioako udalek sortutako elkarteko kideek azaldu dutenez, ekimenean parte hartu gura dutenek aldez aurretik izena eman beharko dute, euren webgunearen bitartez.
Susan Krumins eta Antonio Abadía nagusitu dira Berangon
Susan Krumins holandarrak eta Antonio Abadía aragoiarrak irabazi zuten joan den zapatuan Gobelaldeko zirkuituan. Solange Pereira eta Adel Mechaal iazko irabazleak segundo batera eta bira heldu ziren, hurrenez hurren.
Algortako ibilaldi neurturako izen-ematea zabalik
Itxartu Taldea kultur elkartearen Mendigoizale Saila Algortako Ibilaldi Neurtua antolatzen dabil datorren urriaren 12rako, barikua; aurtengo edizioa 36. izango da.
Zapatuan atletarik onenak izango dira Berangon
Zapatu honetan egingo da Berangoko Nazioarteko Miliaren 31. edizioa. Ohi legez, nazioarteko atletismoaren izarrak izango dira Gobelalde kaleko zirkuituan, bertoko oinarrizko kirola ahaztu barik. Probaz harro dago Berango Atletismo Taldea.
Galeako olatu handiari itxaroten hasiko dira urriaren 15ean
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.
Movillak Zamora entrenatuko du
Joan den astelehenean, David Movilla entrenatzaile itzubaltzetarrak iragarri zuen berriro entrenatzeari ekingo ziola. Zamoratik egin zuen, 3. mailako talde zuri-gorria zuzenduko baitu. Iazko martxoaren 13tik zebilen aulkitik kanpo, Barakaldoko presidenteak bidali zuenetik.
Euskal Herriko Superkopa irabazi dute Leioak eta Askartzak
Euskal Herriko Superkopa leioaztarra da. Emakumezkoetan zein gizonezkoetan herri horretan geratu dira garaikurrak, Leioa Waterpoloren eta Askartzaren egoitzetan, hurrenez hurren, Askartza kiroldegian waterpolo-jardunaldi polita eman ostean.
Ia ehun lagunek parte hartu zuten Barinatxeko surf inklusibo jardunaldian
Domeka goizean egindako Surf Inklusibo Jardunaldia oso arrakastatsutzat jo dute bosgarrenez ekimena antolatu duen Amesten elkarteak. Aniztasun funtzionaldun eta aniztasun funtzionalik gabeko 57 lagun murgildu ziren uretara, La Salbaje Surf Eskolako kideek lagunduta, eta denera 90ek hartu zuten parte jardunaldian.
Fernando Uribe hil da, Arenas futbol-taldeko presidente ohia
Fernando Uribe Gamón zendu da, 1975 eta 1977 bitartean Arenas futbol-klubeko presidentea izan zena, kirol-taldeak jakinarazi duenez. Arenasek doluminak agertu dizkio Uriberen sendiari.
ni naiz agustin azkunaga or argazkien datorrena juantxu guinearekin, ta bai geuk irabazi genuen aste nagusiko mus txapelketa, ezkerrikasko ipintzeagaitik
»» Aste Nagusiko muslaririk onenak, Uribe ...