Inazio Gastaka: "Aldaketa teknologikoak markatu du benetako aldea"
ira 11, 12:09 EHU
Aurtengo Unibertsitatera Sartzeko Probako Euskara eta Literatura II azterketak hautsak harrotu ditu. Emaitzak, zuzenketa-irizpideak eta berrikuspenak eztabaidaren erdian egon dira azken hilabeteotan. Inazio Gastakak urteak daramatza Selektibitateko Euskara eta Gaztelania azterketak zuzentzen, baina gertatutakoa ez du euskararen arazo huts gisa ikusten. Gazteen hizkuntza-gaitasunaz, irakurtzeko ohiturez eta, batez ere, azken urteetako digitalizazioaz ere badago zer hausnartu.
