Alberto Lorente igerilariak penintsula 11 autonomia-erkidegoko kostaldeak zeharkatuko ditu igerian kirola, jasangarritasuna eta gizarte-ekintza bateratzen dituen erronka honetan. 20 erakunde eta elkarte baino gehiagoren babesa duen Besarka Dezagun Itsasoa ekimenaren helburua itsasoak eta hondartzak zaintzearen garrantzia nabarmentzea da.

Ama Lurraren Nazioarteko Eguna da datorren apirilaren 22a eta, hori dela eta, Besarka Dezagun Itsasoa erronka solidarioaren hasiera-ekitaldia ospatuko dute Bilbo eta Getxo artean. Tantak erakundeak azaldu duenez, ekimen horren irteera Bilboko Itsasmuseumetik abiatuko da, 12:30ean, eta helmuga Ereagako hondartza izango da, Getxon.