Jon Rahm golf jokalari barrikoztarrak berretsi zuen atzo iaz irabazitako Espainiako txapelketa, maila absolutuan. Mungiako Laukariz klubean jokatutako lehiaketan, "Rhambo"-k, (AEBetan deitzen dutenez) 281 kolpe eman zituen, 7 pare azpitik. Bigarren sailkatu zen Scott W. Fernandez andaluziarra, Rahmetik hiru kolpera.
Podiuma Pep Angles katalanak eta Jorge Malcas aragoitarrak osatu zuten, biek ala biek Rhamek baino zortzi kolpe gehiago emanda. Barrikoztarrak Espainiako txapelduna izan da hainbatetan 2009tik hona. Izan ere, 2009an kadete legez nagusitu zen, 2010ean eta 2012an 18 urtetik azpikoen artean eta gazte gisa eta 2014an zein 2015ean maila absolutuan. Aurten, AEBetako Arizonako Estatuko Unibertsitateko ikaslea izanik, Ben Hogan saria irabazi du aurten, golf jokalari amateurren sari nagusia.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.