Emakundek bultzatutako Berdintasunerako Gunearen autobusak geldialdia egingo du domekan, hilak 13, Barrikan. Eguerdiko 12:00etan aparkatuko dute autoa Udaletxeko plazan, bertan Roberto Muñoz Barrikako alkateak goizean zehar izango den jardunaldia inauguratzeko. Ondoren, 12:10etan, "Emakume eta gizonen arteko berdintasunerako ordenantzak eta prozesua Uribe Kostako udaletan: Barrikako ordenantza" izeneko hitzaldia eskainiko du Estibalitz Anituak, Uribe Kostako Zerbitzu Mankomunitateko Berdintasunerako Teknikariak. Azkenik, berbaldiaren ostean, bertaratutako guztiek eztabaidarako tartea izango dute, 12:50etik 13:30era.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun