Bertan parte hartzeko, izena eman behar da; zapatuan, 14:00etan, izango da horretarako epemuga. Lehiakide bakoitzak ogizko dozena bat tostada aurkeztu beharko ditu astelehenean, 18:00etan. Ordu erdi beranduago epaimahaikideak lanak probatzen hasiko dira. euren ustez lehenengo hiru tostadarik onenak direnen egileek saria izango dute, bi pertsonentzako afari bana, alegia; irabazleak Itxasgane jatetxean gozatuko du, bigarrenak Iparralden eta hirugarrenak Cantabricon. Lehiaketaren sariak banatu ondoren, hurreratutako jendearen artean tostada-dastaketa egingo dute.
Umeentzako jarduerak eta tostada-lehiaketa, egunotan Barrikan
Barrikoztarrek zertan gozatu izango dute egunotan, batez ere neska-mutilek. Eguen honetan, hilak 11, txikienek euren gogo gastronomikoak gauzatu ahal izango dituzte liburutegian, Txiki Chef egitasmoagaz. Hitzordua 17:30ak eta 19:00ak bitartean ipini du Udal Kultur Guneak; aurretik, baina, umeek izena eman beharko dute. Hurrengo egunean, barikuan, ludotekan jolasteko aukera izango dute 3 eta 12 urte bitarteko haur eta gaztetxoek, leku eta ordutegi berean. Azkenik, astelehenean, otsailak 15, tostada-txapelketaren zortzigarren edizioa izango da udaletxeko beheko solairuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun