Osasun-zerbitzuek suhiltzaile bi artatu behar izan dituzte Barrikabasoko gune babestuan, San Telmo auzoaren ondoko sutea amatatzeko lanetan kea irentsi eta itolarria izan dutelako.
Auzokideek eman dute sutearen berri, 13:11n. Eusko Jaurlaritzaren Segurtasun Sailak zabaldu duenez hainbat foku izan dira. Haize ufadek lagundu dute sua zabaltzen; hala, garrek eukalipto-gune bat eta zenbait sastrakadi irentsi dituzte. Sutea ez da etxeetara hurreratu eta, halandaze, ez da etxerik hustu.
Sos Deiak Larrialdi Zerbitzuaren arabera, sutea erabat amatatuta geratu da 15:38an, baina ordubete beranduago, erakunde berak aitortu du sutea berpiztu dela, haizearen eraginez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
