Paleolitoa "berpiztuko" dute Historiaurrearen I. Jardunaldian

Besteak beste, Aranbaltzan bizi ziren neandertalek tresnak egiteko zuten teknika erakutsiko dute jardunaldian..

Abenduaren 29an (zapatua), eguerdiko 12:00etatik aurrera egingo dute, Barrikako Udaletxeko Plazan, Historiaurrearen I. Jardunaldia. Paleolitoko gure arbasoek erabiltzen zituzten hainbat teknikaren erakustaldia egingo da, besteak beste.

Hauxe izango da jardunaldiaren egitaraua (ordutegiak ez dira zehaztu):

  • Paleolitoko arkeologia-eraskusketa. Gure arbasoek orain dela 400.000 urtetik hona erabilitako tresnak ikusbide.
  • Silex-lanketaren erakustaldia. Barrikako Aranbaltzan orain 80.000 urte bizi ziren neandertalek tresnak egiteko zeukaten modua erakutsiko da.
  • Sua pizteko erakustaldia.
  • Propultsatzaile bidez xabalina jaurtitzeko erakustaldia. 
  • Historiaurreko arku-jaurtiketa erakustaldia.
  • Propultsatzaile bidez xabalina jaurtitzeko I. txapelketa. Lehen hirurentzako sariak egongo dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun