Garbigune mugikorra Barrikatik igaroko da datorren astean

© GARBIKER.

Joan den azarotik martxan da Bizkaiko Foru Aldundiko Garbiker enpresak sortutako Garbigune mugikorra. Bizkaiko hainbat herritatik ibili da honezkero, eta Barrikan egongo da otsailaren 25etik martxoaren 4ra.

Edukiontzia daroaten kamioi bi igaroko dira herritik, eta etxean sortutako hainbat hondakin jasoko dituzte, besteak beste etxetresna elektriko txikiak, sakelako telefonoak, sukaldeko tresnak eta kableak (ikusi zerrenda osoa hemen). Zerbitzu berri hau Bakio, Durango eta Forutik igaro da daborduko, eta Trapaga eta Santurtzitik ere pasatzekotan da.

Birziklapena Bizkaiko herritarrentzat “errazagoa eta hurbilagoa” egitea helburu sortu zuen ekimena Garbikerrek: “Asmoa da ohiko garbiguneetara joateko aukera emateaz gain, udal-mugarte barruan bertan ere egin ahal izatea”.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun