Kale-argietan LED bonbillak ipiniko ditu Udalak, "kontsumoa eta argi-kutsadura gutxitzeko"

152 kale-argitan egingo dute aldaketa, kurtso honetan. © BARRIKAKO UDALA

Barrikako farolen betiko argien ordez LED teknologiakoak ipintzea erabaki du Udalak, "kontsumoa eta argi-kutsadura gutxitzeko asmoz". Helburu hori betetzeko 80.000 euro inguruko inbertsioa egingo dute.

Udalak iragarri du kurtso honetan zehar 152 kale-argietako bonbillak aldatuko dituztela Amezaga Goiko kalean, Goierri-Sandeliz bidean, Txintxilandian, osasun-zentroan, Kantarranasen, Elordui-Lastarrin, Muriolan, Udaletxean eta Ardanzan. Bestalde, hobekuntza-lanak egingo dituzte beste 57 farolatan, Musurieta eta San Telmo inguruetan.

Argiak aldatzearen kostua 80.344 eurokoa izango da Udalaren esanetan, Roberto Muñoz alkateak adierazi du neurri horri esker kontsumoa, argi-kutsadura eta atmosferara isuritako CO2 kopurua gutxituko direla.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun