Gabonetako parkea izango dute gozabide etxeko txikienek Barrikan

Lehenengo aldia da Barrikako Udalak mota horretako jarduera ezartzen duena udalerrian. Txiki PIN delako hori doakoa izango da, den-denen gozamenerako.

Barrikako txikienek Txiki PIN parkeaz gozatzeko aukera izango dute aurten abenduaren 24tik urtarrilaren 1era arte. Udaletxearen aurrean dagoen karpan ezarriko dute jarduera hori. Horren harira, Roberto Muñoz Barrikako alkateak adierazi duenez, “helburua da neska-mutilek hainbat jarduera egin ahal izatea udalerrian, Gabonetako eskola-oporretan”.

Txiki PINa 3-12 urteko neska-mutilei dago zuzenduta, eta irekita egongo da abenduaren 24an, 17:00etatik 21:00etara;  eta abenduaren 25etik urtarrilaren 1era, 11:00etatik 14:00etara eta 17:00etatik 21:00etara. Umeen Gabonetako parke horretan doako hainbat atrakzio egongo dira, hala nola ohe elastikoak, makil eroa eta puxika puzgarriak.

Erlazionatuak

Dena dago prest Olentzero eta Mari Domingiren etorrerarako

Uribe Kosta

Olentzerok eta Mari Domingik dena dute prest hurrengo egunotan Uribe Kostara etortzeko; euren etorreragaz, ilusioz beteriko haurrak eta nagusiak al...