Udalak hainbat gairen gainean galdetuko die herritarrei telefono bidez

Garbiketa, hondakinen bilketa, kultur jarduerak... Herritarrek hainbat gaiz duten iritzia jakin guran, laster telefono bidezko inkesta hasiko duela iragarri du Barrikako Udalak. Hala, eskaintzen dituzten zerbitzuen egoera eta herritarren balorazioa ezagutuko dituzte.

Galdeketan ahalik eta perfil gehienetako pertsonek parte hartzea da asmoa, horregatik aintzat hartuko dituzte herritarren generoa, adina, auzoa... Roberto Muñoz alkateak zehaztu du Udalaren interes handienetako bat Gure Etxeari (alondegia izandakoa) eman dakizkiekeen erabileren gaineko iritziak batzea dela.

Inkesta prestatzeko, herritarrei eskutitzak bidali dizkiete daborduko, eta haien laguntza eskatu dute prozesua behar bezala gara dadin.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun