Monolitoak erabat deseginda eta lurrean margotuta zegoen ikurrinaren gainean Espainiako banderaren koloreakaz topatu dituzte. Sortuk idatzi bat zabaldu gertakaria dela eta, honakoa dioena berbaz berba:
"Batzuek darraite samina ukatzen eta saiatzen dira herri honen zati baten memoria ezabatzen. Aitzitik, Euskal Herriak ez du benetako elkarbizitza ezagutuko sufrimendu guztiak aitortzen ez diren bitartean.
Nahiz eta monolito hau suntsitu, ez dute haien memoria sekulan desagerraraziko. Ezker abertzaleak beti mantenduko du bizirik haien oroimena.
Honekin batera, une honetan, besarkada estu eta bero bat bidali nahi diegu haien senide eta gertukoei. Beti izango gaituzue zuen ondoan!"
David Alvarez 1978an hil zen, Lemoizko zentral nuklearraren inguruan Guardia Zibilagaz izandako tiroketaren ondorioz; haren anaia Mario, berriz, 1981an zendu zen, erabiltzen ari zen lehergailuak eztanda eginda. Marioren emazte Eli Barrenetxea zenari ere gorazarre egiten zioten monolitoek. Iñaki Aurrekoetxea Sope, berriz, errefuxiatuta zegoela hil zen 1996an, Bordelen, gaixotasun autoimmune baten ondorioz.
Haien omenezko monolitoek itxura hau zuten erasoen aurretik:
