"Kaleetako garbiketa-zerbitzua indartu duela" adierazi du Barrikako Udalak, koronabirus-pandemia gogor jotzen dabilen honetan. Roberto Muñoz alkateak azaldu duenez, udal-garbitzaileak egunero dabiltza desinfektatze-lanak egiten.
Herritarrek sarritan ukitzen dituzten lekuak desinfektatzeari eman diote lehentasuna: zaborrontziak, edukiontziak, barandak... Neurri bera hartu da herritar gehien dabiltzan guneetako zoruetan, hala nola osasun-etxean, farmaziaan, okindegietan, estankoan eta kutxazain automatikoetan.
Gainera, egoera honek dirauen bitartean errefusaren edukiontziak zabalik egongo direla adierazi dute, zarama botatzen dutenek ukitu behar izan ez ditzaten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
