Ipuinen gaia librea izango da, baina derrigorrez aipatu beharko da "konfinamendu" berba, edo beraren eratorri bat: "konfinatu", "konfinatuta"... Gehienez ere 150 berbako lanak izango dira (izenburua barne), eta 12 puntuko Times New Roman letra-motan idatzita bidali beharko dira prentsa@barrika.eus helbidera, maiatzaren 21a eta ekainaren 5a bitartean. Udal-webgunean irakur daitezke lehiaketaren oinarriak osorik.
Gertuko Auzokide Elkarteak egingo du epaile-lana, eta ekainaren 16a baino lehenago jakinaraziko dira irabazleen izenak, Barrikako Udalaren webgunearen eta sare sozialen bidez. Euskarazko eta gaztelaniazko kategoriak bereiziko dira, eta bakoitzean sari bi emango dira, 100 eta 50 eurokoak hurrenez hurren. Sari-banaketarako datarik ez dago oraingoz, osasun-krisiaren ondoriozko egoerak hobera egin arte itxarongo baitute antolatzaileek.