Maiatzaren erdialdean martxan ipinitako mikroipuin-lehiaketaren irabazleak nortzuk diren badakigu daborduko. Sari nagusia Maitane Nerekanek eroan du euskarazko kategorian, eta Maribe Legarretak gaztelaniazkoan. Barrikako Udalak jakinarazi duenez, "10 mikrokontakizun baino gehiago jaso dira".
Kontakizunen gaia librea izan arren, "konfinamendu" berba aipatzea zen bete beharreko baldintzetako bat. Hizkuntza bakoitzerako sari bi egon dira, 100 eta 50 eurokoak hurrenez hurren. Euskarazkoan, bigarren saria Aratz Errementeriarentzat izan da, eta gaztelaniazkoan Jose Manuel Barandiaranentzat.
Barrikako Udalak eta Gertuko Auzokide Elkarteak antolatu dute lehiaketa, "COVID-19aren ondoriozko egoera eramangarriagoa izan dadin".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!