Urriaren 4ra arte egongo da aukera Barrikako Udalak antolatutako euskara-ikastaroetan izena emateko. Ikastaroak urriaren 15ean hasiko dira, eta martitzen eta eguenetan emango dituzte, arratsaldez. Doakoak izango dira.
Izena emateko Udal Kultur Gunera jo beharra dago, bertara joanez edo 94 677 51 63 zenbakira deituz. Posta elektronikoz ere egin daiteke, liburutegia@barrika.eus helbidean.
Gutxieneko pertsona-kopurua seikoa izango da. Gehienezkoa gaindituz gero, berriz (ez dute adierazi zein den), Barrikan erroldatutakoei emango zaie lehentasuna. Eskolen ordutegia 17:00etatik 19:00etara eta 19:00etatik 21:00etara izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
