Higinio Riverok Europako txapelketarako txartela eskuratu du aste-akabuan lortutako lau dominei esker. Gainera, Barrika Piragua Taldea gizonezkoen artean lehen hamar sailkatuen artean egon da, asteburuan Trasonan (Asturias) egin den Espainiako Esprint Txapelketan.
Asteburuan Espainiako lehendabiziko esprint txapelketa egin dute Trasonan; bertan egon ziren Barrika Piragua Taldea eta Higinio Rivero.
Arraunlari olinpikoak lau domina (urrea KL2 200 metro, zilarra KL2 500 metro, brontzea VL3 200 metro eta brontzea VL3 500 metro) eskuratu zituen, eta emaitza horiei esker, Europako Txapelketan egongo da. Baina horren aurretik, taldea ordezkatuko du maiatzean Szegeden (Hungaria) egingo den Munduko Txapelketan.
Bestalde, Barrika Piragua Taldea 21. postuan geratu zen taldekako sailkapenen orokorrean; gizonezkoenean, aldiz, lehen 10 sailkatuen artean geratzea lortu zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
