Barrikako Udala kirol-instalazioen erreserba egiteko sistema eraberritzen ari da, eta azaroaren 1etik aurrera online erreserba-sistema ezarriko du. Modernizatze prozesu honen bitartez, ordainketa, erreserbak, kontsultak eta instalazioen irekiera mugikorragaz egin ahalko dira. Daborduko, padel eta tenis zelaietan sartzeko sistema berria erabil daiteke, eta etorkizun hurbilean gainontzeko zerbitzuetan ezarriko da.
Sarbide berria erabili ahal izateko, erabiltzaileek kontu bat sortu beharko dute; izan ere, etorkizunean instalazioetako ateak edo argiztapena gailu mugikorrakaz erabili beharko dira. Abonatuta dauden erabiltzaileei Udalak berak sortuko dizkie kontua eta pasahitza, eta, bide batez, online sistema berriaren berri emango die mezu baten bidez.