Domeka honetan, abenduaren 12an, Historiaurreko Jardunaldien laugarren edizioa egingo dute Barrikan. Horien antolatzailea izango da Edestiaurre Arkeologi Elkartea, eta haren presidente Iñaki Libanok aurreratu duenez, egitasmoa umeei bideratuta dago bereziki, "baina oso interesgarria izango da ere helduentzako". Ekimena eguerdiko 12:00etan hasiko da.
Laugarrenez, Historiaurreko Jardunaldiak egingo dituzte Barrikan. Saioa domekan izango da, abenduaren 12an, eguerdiko 12:00etatik aurrera. Arduradunek azaldu dutenez, historiaurreko etxolak muntatuko dituzte udaletxearen ondoko plazan jarritako karpan, eta bertan egongo dira etxeak, instrumentuak eta historiaurreko armak; "zehaztasun guztiak egongo dira etxolen barruan".
Horrez gainera, historiaurreko margoak ezagutzeko tailerra egingo dute bertaratuko diren umeakaz, propultsatzaileak, sua eta historiaurreko indusketa esperimentazioa egingo dituzte, besteak beste. "Hori dena arkeologia esperimentalaren bidez, hau da: duela milaka urte egiten zen bezalaxe", Libanoren esanetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
