Senya, eskuz egindako bitxiak

Llanos ahizpak: "Produktuak egiteko material ekologikoak erabiltzen ditugu"

Pandemia garaian, Goiuri eta Mailen Llanos ahizpek Senya marka sortu zuten. Beraien asmoa zen ekoizten dituzten bitxiak mundura zabaltzea; izan ere, betidanik gustatu zaizkie eskulanak, eta, horregatik, produktuen ekoizpen-prozesua osorik egiten dute eurek. Gainera, erabiltzen dituzten materialek ingurumena ere zaintzen dutela azaldu dute: «Guri ere ekologia interesatzen zaigu, eta pentsatu genuen gure produktuak ere ekologikoak izan behar zutela».

Beraien estilo propioa duten belarritakoak eta lepokoak ekoizten dituzte; horretarako, buztin polimerikoa erabiltzen dute, material arina, iraunkorra eta moldatzeko erraza baita. Sormenetik ateratako kolore eta forma ematen diete bitxiei, eta, gero, labean gogortzen dituzte. Piezak lotzeko, altzairu hipoalergenikoa erabiltzen dute, eta eraztunak ere egiten hasi direla diote.

Horretaz gain, etxea apaintzeko loreontziak, kandelak jartzeko euskarriak eta gauzak uzteko platertxoak ere sortzen dituzte. Horietarako, Jesmonite izeneko ura oinarri duen erretxina erabiltzen dute; material horrek ez dauka kimikorik, eta ekologikoa delako aukeratu dute. 
Beraien produktuak www.senyajewels.com webgunean eta sare sozialetan aurki daitezke. Bestalde, azoketara joatea gustatzen zaie, «horrela, jendeak produktuak zuzenean ikus ditzakeelako».

Material ekologikoakaz eta eskuz sortutako Senya-ren belarritakoak eskuratu gura dituzu? Bada, bat zozkatzen dugu; egin klik hemen eta parte hartu zozketan!
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun