Udal-pilotalekua birgaitzeko lanak amaitu dituzte Barrikan. Hala, auzokideek daborduko ia erabat zaharberritu eta hobetuta dagoen instalazioaz gozatzeko aukera dute. Lanon helburua izan da eraikinaren estalkiaren egitura birgaitzea eta sendotzea, baita pilotalekuaren alboa ixtea ere. Gainera, margotu egin dute, haren irudia berritzeko.
Vicente García Barrikako alkateordearen berbetan, “aurrekontuetan aurreikusita geneukan ekintza bat zen, guztiz beharrezkoa, herritarrek asko erabiltzen duten gunea baita; birgaitzeari esker, alderdi ugari hobetu dira, denen onerako”.
Udalak nabarmendu du frontoia pilotan jokatzeko erabili ohi dela, baina, estalitako udal-gunea denez gero, Udalak hainbat jarduera egiten dituela bertan eguraldi txarra dagoenean: tailerrak, umeen jolasak, erakusketak eta bestelako gizarte eta kultur ekimenak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!