Berbaldia herritar guztiei egongo da zabalik, eta horren helburua da etxeetan sortzen diren hondakinen frakzioak behar bezala bereiztearen inguruan egon daitezkeen zalantzak argitzea. Gainera, iragarri dutenez, topaketan bosgarren zabor-edukiontziarentzako poltsa konpostagarriak ere banatuko dituzte.
Barrikako Udalak aurreko irailean abiatu zuen Barrika Batu izeneko proiektua. Kanpaina horren ardatz nagusia zaborrak modu egokian kudeatzeak duen garrantziari buruzko kontzientzia sortzea da.
Hori guztia kontuan hartuta, Barrikako Udalak herritar guztiak gonbidatu ditu informazio-jardunaldi horretan parte hartzera. Ingurumen-sentsibilizazio kanpaina horri buruzko informazio guztia www.barrikabatu.com webgunean aurki daiteke.