Gabonetako Azoka egingo dute aste-akabuan Barrikan

Erredakzioa 2022ko abe. 15a, 14:24
Besteak beste, taloa dastatzeko aukera egongo da azokan.

Pandemia garaian bertan behera utzi bazuten ere, aurten, Barrikak Gabonetako Azoka egingo du lehenengoz, “Barrikan lehenengo, San Tomas hurrengo” leloaren pean. Hainbat produktu salduko dituzte horretan, besteak beste, taloa, egurrezko labeko ogia, urdaiazpikoa eta ostrak. Guztiak dastatu ahal izango dira frontoiaren eta udaletxearen artean egokituko duten gunean, hilaren 17an eta 18an.

Gabonetako Azokak 15 postu eta hainbat gune gastronomiko izango ditu. Egurrezko jostailuak, kontserbak, hainbat autonomia erkidegotako hestebeteak, euskal pastelak, anis-erroskillak, ostrak, mariskoa eta askotariko beste hainbat produktu egongo dira gozagai zapatuan eta domekan. Antolatzaileek iragarri dutenaren arabera, azoka Bilboko San Tomas azokaren "atariko paregabe" bihurtuko da.

Abenduaren 17an eta 18an, gainera, Barrikako frontoian hainbat ekitaldi egingo dira: magia profesionaleko emanaldiak, txikienentzako magia tailerra, eta ipuinak, Amalurra ipuin kontalariaren eskutik; azokaren eremuan ere egingo ditu emanaldiak.

Egitaraua

  • 11:30 Ipuin kontaketa, azoka-gunean.
  • 11:30-14:30 Magia tailerrak frontoian.
  • 11:30-20:00 Azoka
  • 13:00 Ipuin kontaketa, azoka-gunean.
  • 17:00 Ipuin kontaketa, frontoian.
  • 18:00 Magia ikuskizun profesionala, frontoian.
  • 19:30 Ipuin kontaketa, frontoian.
Kultura Barrika
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun