Ohiko etxebizitzaren titular diren barrikoztar eta familia-unitateei zuzenduta dago, baldintza hauek betetzen badituzte: laguntzaren xede den Hiri-lurreko Ondasun Higiezinen gaineko Zerga (OHZ), zaborrak eta estolderia, 2022. urteari dagozkionak, ordainduta izatea; laguntza-eskabidea jasotzen duen higiezinean erroldatuta egotea hura egiteko unean eta 2021eko urtarrilaren 1a baino lehen, eta hura ohiko etxebizitza izatea; ohiko etxebizitzaren titular izatea.
Titularra hil egin bada eta oraindino higiezinaren titulartasun-aldaketarik egin ez bada, ordainagiriak ordaindu eta gainerako baldintzak betetzen dituen pertsonak eskatu ahal izango du diru-laguntza; eskabidea egiten den higiezinaren katastroko balioak 112.108,49 eurokoa edo txikiagoa izan beharko du; behar adinako baliabide ekonomikorik gabea izan beharko du.
Familia-unitatearen urteko diru-sarrera osoak, 2021. urtean, ezingo dira 35.000 euro baino gehiago izan (gehieneko muga hori familia-unitateko kide-kopuruaren arabera aztertuko da); Barrikako Udalagaz eta Ogasunagaz zein Gizarte Segurantzagaz dituen zerga-betebeharretan egunean egon beharko da, eta, eskaera egiten denean, familia-unitateko kideak, familia osoa, ezin izango dira izan (ohiko bizilekua ez den) beste ezein etxebizitzaren jabe % 100ean; kalkulu honetatik kanpo geratzen da eskabidearen xede den etxebizitzaren eraikin berean helbideratuta dagoen ibilgailu baterako trasteleku eta garajerako lokala.
Eskabideen aurkezpena
Laguntza emateko prozesua norgehiagokako bidezkoa izango da, eta familia-unitate bakoitzeko diru-laguntza bakarra emango da. Zenbatekoa familia-unitatearen diru-sarreren araberakoa izango da. Laguntza hauek ez dira bateragarriak xede bererako beste laguntza batzuekaz (GLLetako mantentze-lanen kontzeptua).