Rokodromo bat egin dute Barrikako frontoiaren kanpoko horman

Erredakzioa 2023ko mar. 30a, 11:39
Rokodromo berria. © BARRIKAKO UDALA

Udalerrian kirola sustatzeko apustuaren barruan, maila guztietako eskalada egiteko rokodromoa egin du Barrikako Udalak bertako frontoiaren kanpoko horman. Horretarako, 31.750 euroko inbertsioa egin du (BEZa barne).

Rokodromoa pilotalekuaren kanpoko hormetako batean dago, eta 9 metroko altuera eta 5 metroko zabalera du. Gutxi gorabehera 84 metro koadro eskalagarri ditu, bai eta 9 metro koadro dituen goiko itxitura ere; guztira, beraz, 93 metro koadro dira, egitura galbanizatua eta kanpoalderako tratatutako panelak dituztenak.

Egitura klasikoa da, bi modulutan banatua: bata bertikala eta bestea erorketagaz, 2,5 metroko zabalerakoa bakoitza, frontoiaren hormatik metro bat aterata, kontrahormak xurgatzeko. Alboko itxitura horiek handitu egiten dute plaka bertikaleko azalera eskalagarria, eta zintzilikatzeakaz ekipatuta daude.

Gainera, rokodromoak lerro hori bat du margotuta, hiru metroko altueran, sokarik gabe erabil daitekeen eremua mugatzen duena (Bulder praktika), eta hortik aurrera soka eta material espezifikoa erabili beharko da.

Inguruaren erreforma

Horrez gain, bide bat egin dute pilotalekuaren kanpoalde osoan zehar, espaloitik rokodromora zuzenean sartzeko eta Nagusien Etxeagaz lotzeko. Eskailera batzuek aldirietako aparkaleku disuasoriorako sarbidea ematen dute.

 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun