Ekainaren 2an, barikuan, 17:00etatik aurrera, Barrikako herritarrek aukera izango dute adin guztietarako saltoki, tailer eta jardueraz gozatzeko, asteburu osoan izango den Itsas Merkatuan. Merkatuko protagonista, ezinbestean, mariskoa izango da. Itsaski bizidunen saltokiak jarriko dituzte, eta, ondoren, sukaldean prestatu, bisitari guztiek itsasoko produktuen dastatzeaz goza dezaten. Era berean, ostra-tailerra, olio-dastatzea eta Jerteko haraneko gerezien dastatzea egingo dute. Beste saltoki batzuetan, krepeak, txakolina, produktu naturalak, gozokiak, euskal pastela eta taloa ere egongo dira, besteak beste. Artisautza-tailer bat ere egongo da, horren zaleentzat.
Txikienek zenbait jardueraz gozatu ahal izango dute, hala nola ohe elastikoez eta wipe out-az, tenis-pisten aparkalekuan. Domekan, ekainak 4, berriz, disko-festa izango da Xaiborren kamioian, eguerdian. Geroago, arrastian, Liuba eta Oliver magoen emanaldia izango da. Globoflexia-tailerra ere egingo dute.