Barrikoztarrek bihar arte, hilaren 30era arte, dute aukera Emakumeen Hitzak laster abiatuko den ikasturterako prestatu dituen jardueretan izena emateko. Udalak azaldu duenez, adin guztietako pertsonei zuzendutako ekintzak izango dira, hala nola yoga, pilates terapeutikoa, ingelesa, antzerkia, euskal dantzak eta joskintza. Horiek guztiak emakumeei zein gizonei zuzenduta egongo dira.
Izen-ematea abuztuaren 14an ireki zuten, eta inskripzioak hilaren 30era arte irekita egongo da. Interesatuek 665 6151 20 telefonora deitu beharko dute, emakumeenhitza@gmail.com helbidera mezu bat bidali edo www.emakumeenhitza.com webgunean izena eman. Plazak mugatuak dira eta izen-ematearen hurrenkera mantenduko dute.
Kontsultatu informazio guztia, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!