Irailaren 22an, 18:00etan, Ander Deuna Aretoan, Ludotekak Jolas Erraldoiak antolatuko ditu 5 eta 12 urte bitarteko haurrentzat. Izena emateko, 946 775 163 telefonora deitu edo mezua bidali beharko da liburutegia@barrika.eus helbidera.
Irailaren 29an, 17:00etatik 19:00etara, frontoian, Inguru Minguru tailerrak egingo dituzte, 4 urtetik gorako haurrentzat. Tailerrak ingurumenari eta birziklatzeari buruzkoak izango dira.
Bukatzeko, egun berean, hau da, irailaren 29an 18:00etan, “Eta beste leku batean bizi bazina?” tailerra antolatuko dute liburutegian, 5 eta 12 urte bitarteko haurrentzat. Interesa dutenek aldez aurretik izena eman beharko dute aurreko bide bera erabilita.
“Barrikako Udalaren iritziz, funtsezkoa da haurren bizitza soziala eta hezkuntza sustatzea. Beraz, Udala garen heinean, eurentzat garrantzitsuak diren balio eta ikaskuntzak modu dibertigarri eta entretenigarrian irakasten dituzten jarduerak eskainiko ditugu”, azaldu du Itziar Unibaso Barrikako Udaleko alkateak.