Lehen tailerra urriaren 7an izango da, zapatuan, Goierri auzoko Ander Deuna aretoan, 11:00etatik 14:00etara. Tailer horretan, olioa berrerabiltzearen garrantzia azpimarratuko dute, litro batek edateko 40.000 litro ur kutsa baititzake. Ingurumen-hondamendi hori saihesteko, bertaratutakoei xaboia eta kandela ekologikoak egiten irakatsiko zaie.
Tailerrak doakoak izango dira eta ingurumen-estrategiak eta -ekintzak Ingura enpresako ingurumen-hezitzaileak emango ditu. Plaza-kopurua mugatua izango da, eta 8 urtetik gorako edonorentzat irekita egongo dira. Interesdunek liburutegia@barrika.eus helbidean eman beharko dute izena, edo liburutegian, astelehenetik eguenera, 17:00etatik 20:00etara, edo barikuetan, 10:00etatik 13:00etara.
Gainerako tailerrak urriaren 21ean, azaroaren 4an eta 18an, eta urtarrilaren 13an eta 27an izango dira.