Barrikako Ludotekak hainbat modalitatetako jarduerak antolatu ditu haurrentzat, azaro osoan beste umeen aldamenean ikasi eta gozatu ahal izan dezaten. Hala, Ludotekaren programa barikuan hasiko da, azaroak 3, “Mahai Jolasak” ekimenagaz, arrastia mahai jokoetan pasa dezaten. Haurrek Ander Deuna Aretoan egon beharko dute 18:00etan. Datorren barikuan, azaroaren 10ean, sukaldaritzan trebatzeko Txikitxef jarduera egongo da 18:00etan liburutegian. Datorren astean, azaroaren 17an, 18:00etan, kirol jarduera bat egingo dute Ander Deuna Aretoan. Azkenik, azaroko jarduerak modurik dibertigarrienean amaitzeko, azaroak 24an eskulan jarduera bat egingo dute, “Itsasoa ur botila batean” gaia oinarri hartuta. Haurrek 18:00etan joan beharko dute liburutegira.
Ludotekako jarduera guztiak 5 eta 12 urte bitarteko haurrei zuzenduta daude, eta izena emateko liburutegia@barrika.eus helbidera idatzi edo 946 775 163 telefonora deitu beharko da.