Ludotekak bigarren tailer bat egingo du abenduaren 22an (barikua) 18:00etan: Txikitxef sukaldaritza tailerra. Tailerrok 5 eta 12 urte bitarteko umeei zuzenduta daude, eta izena emateko 946 775 163 telefonora deitu edo liburutegia@barrika.eus helbidera idatzi beharko da.
Gabonetako sasoirako, UGP txiki bat jarriko dute, ohe elastikoekin eta wipe out-arekin. Jarduera hori frontoiaren eta udaletxearen artean egongo da abenduaren 16tik 24ra, eta udaletxeko plazan, berriz, abenduaren 24tik urtarrilaren 1era bitartean.
Abenduaren 20an, eguaztenean, ipuinaren ordua egingo dute liburutegian, 4 eta 7 urte bitarteko umeei zuzenduta.
Abenduaren 23an, zapatuan, umeek gehien maite duten unea iritsiko da: Olentzerori eta Mari Domingiri harrera. 18:00etatik 20:00etara egingo dute, udaletxeko plazan.
Amaitzeko, abenduaren 29an, 11:30ean, Ander Deuna Aretoan, txikienek haurrentzako ikuskizuna izango dute gozagarri: Etxean Goxo txotxongilo antzezlana, Gertuko Elkarteak antolatuta.
Gabonetako azoka
Horrez guztiaz gainera, hilaren 16an eta 17an, adin guztietarako "ekitaldi magikoa" egongo da gozagai: Gabonetako Azoka. Gastronomia dastatzea, tailerrak, magia ikuskizuna, ipuin-kontalariak eta haurrentzako jolasak egongo dira, besteak beste.