Goierri auzoa berrurbanizatzeko proiektua aurkeztuko die Barrikako Udalak auzokideei

Erabiltzailearen aurpegia Hiruka 2024ko urtarrilaren 9a

Barrikako Goierri auzoa. © BARRIKAKO UDALA

Barrikako Udalak jakinarazi duenez, urtarrilaren 12an eta 15ean, Goierri berrurbanizatzeko proiektuaren nondik norakoak aurkeztuko dituzte jendaurrean. Horretarako, osoko bilkuren aretoa erabiliko dute, eta interesa duten herritar guztiek ikusi ahal izango dituzte obren planoa. Lanok urtarrilean hasiko dituzte, eta sei hilabete iraungo dute.

Udal iturriek jakinarazi dute urtarrilean hasiko direla Goierri auzoa berrurbanizatzeko obrak. Lanen iraupena 6 hilabetekoa izango dela aurreikusten da eta, iragarri dutenez, denbora horretan, auzoko bizilagunei eragingo die horrek.

Proiektuaren nondik norakoak herriari aurkezteko, obraren planoa ikusgai egongo da urtarrilaren 12an eta 15ean osoko bilkuren aretoan, 11:00etatik 14:00etara eta 17:00etatik 20:00etara. Planoaz gainera, jakinarazi dute lanon inguruko informazioa emango dutela baita ere.

Politika Barrika
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun