Barrikako Udalak 5 eta 10 urte bitarteko haurrentzako doako programa bat iragarri du, "Aste Santuko oporretan ahalik eta gehien goza dezaten diseinatua", arduradunek azaldu dutenez. Programa gustu guztietarako pentsatutako jarduerez beteta dago, eta jolasak, tailer didaktikoak, esperimentuak, yoga, ipuin-kontalaria eta beste hainbat ekintza ditu.
Jarduerak euskaraz izango dira, eta Ander Deuna Aretoan egingo dira martxoaren 25, 26 eta 27an, eta apirilaren 2, 3, 4 eta 5ean, 10:00etatik 13:00etara. Interesdunek bi asteetako batean edo bietan eman dezakete izena, martxoaren 21a baino lehen. Izan ere, plaza-kopurua mugatua izango da, eta lehentasuna izango dute Barrikan erroldatuta daudenek.
Horretarako, mezu elektroniko bat bidali beharko da liburutegia@barrika.eus helbidera edo deitu 946 775 163 telefonora.
Ekimen honen helburua da haurrei aukera ematea oporretan jolas eta tailer didaktikoen bidez gozatzeko eta ikasteko, euskaraz arituz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
