Barrikako Udalak lan-poltsa berria sortuko du, Obra eta Zerbitzuen Udal Brigadan aldi baterako beharrak beteko dituzten pertsonak kontratatzeko. Lanpostuari dagozkion eginkizunak bete beharko dituzte, eta, aurkeztu ahal izateko, ezinbesteko baldintza bakarra izango da B1 gidabaimena edo handiago bat edukitzea.
Eskabideak legez ezarritako edozein bidetatik aurkeztu ahal izango dira, eta epea hamar egunekoa izango da, oinarriak Bizkaiko Aldizkari Ofizialean argitaratu eta hurrengo egunetik hasita.
Hautaketa merezimendu-lehiaketaren bidez egingo da, eta honako hauek baloratuko dira: eginkizun berdinak dituzten antzeko lanpostuetan izandako esperientzia, eskola-graduatua eta lanpostuarekin lotutako lehen mailako LH, euskararen 1. HE eta lanpostuarekin lotutako prestakuntza-ikastaroak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!